Steingrímur og leynifélagið

Þetta er hreinlega orðið fyndið hvað menn eru ótrúlega veruleikafirrtir. Núna ári eftir hrun ( þegar enginn gat lengur lokað augunum yfir svindlinu, sukkinu og ruglinu), þá lætur Steini babí það út úr sér að Alþingi sé ótreystandi samtíningur blaðurskjóða sem ekki sé hægt að treysta.

"Steingrímur viðhafði fyrr í vikunni um að sumar ástæður þess að Icesave-málið verði að klára sem fyrst séu þess eðlis að ekki hægt sé að greina frá þeim á Alþingi."

Merkilegt álit manns sem starfar í umboði þjóðarinnar og telur sig ábyrgan orða sinna.

Hvernig má það vera að honum yfirsást að alþjóð vissi að verið var að kúga okkur ? Bera að skilja þetta sem svo að ef maður eru "ábyrgur" og horfir upp á heimilisofbeldi þá eigi maður ekki að treysta löglega kjörnum fulltrúum þjóðarinnar fyrir þessum upplýsingum ? Hvað er í gangi niður í Alþingishúsi ? Eru eiturgufur úr arsenikblönduðu veggfóðurslími að skemma heilabúin þar eða hvað ?

 "Þetta er alveg yndislega, ótrúlega ómerkilegt. Það er alveg sama hvernig maður reynir að fara yfir málin, það er umsvifalaust komið og reynt að blása það út og gera úr því einhvern óskapnað út af engu"

svo falla honum orð. Spurningin sem hann ætti að velta fyrir sér er; " hvort það liggi ekki við landráði að leyna lýðræðislega kosnum fulltrúum þjóðarinnar þeirri staðreynd að farið sé með ofbeldi á hendur þjóðinni ?

Það er ekki nóg með að þeir sem rannsaka eigi hvort lög hafi verið brotin og menn hreinlega stolið sér fé fyrir hrun, séu í hálfgerðu fjársvelti. Nei, það er allt leyni leyni hvað er verið að rannsaka ??? Ári eftir bankahrun vakna menn upp við það að það sem sagt var við hrunið að menn myndu flýja land með flutningi lögheimilis til að hugsanlega þurfa ekki að sæta ábyrgð og skila illa fengnu fé ... ja núna fyrst er farið að spá í hvort hægt sé að ná í skottið á þeim ???

Í lítilli klásúlu í Fréttablaðinu 2 des. bls. 2 stendur að allt að 80 ára þögn muni liggja yfir "viðkvæmum upplýsingum " sem rannsóknarnefnd Alþingis hefur til skoðunar. ? Er ekki rétt að láta líka dómara við Sakadóm fara yfir þessar "viðkvæmu upplýsingar" ??  Svona bara til að tryggja að skilgreyningin "viðkvæmar upplýsingar" innifeli ekki í sér skilgreyninguna "upplýsingar um refsivert athæfi" ?

Ástæðan fyrir því að erlendis treysta menn ekki íslendingum er sú að það er ekkert gert til að hreinsa upp ósómann heldur bara breitt yfir ... er skrítið þó menn treysti okkur ekki ?

Ef aumingja Steingrím er ekki alveg búin heilastarfsemin þá ætti hann kannski að fara hugsa fram í tímann. Það er rétt að það verða málaferli á hendur íslendingum í fjölda ára vegna bankamálanna ... en er hann svo farinn að viti að hann áttar sig ekki á því að hluti þeirra mun að öllum líkindum tapast eða enda fyrir öðrum en íslenskum dómsstólum ? Stendur hann eins og svo margur "fræðingurinn" í þeirri trú að gífurlega fjársterkir aðilar fari af stað með málshöfðanir án nokkurra líkinda til sigurs ?? HALLÓ   ... 

Þetta er eins og að hlusta á þrjá blinda menn lýsa útliti fíls ... spurningin er bara hver þeirra það er sem stendur við halann á fílnum.

Ef þetta ríkisstjónarfyrirbæri ætlar að halda því fram að leyndó og pukur komi til með að leysa okkar vandamál þá er rétt að einhver bendi þeim á að leyndó og pukur komu okkur í þau.

Og varðandi bankaleynd ... það er sagt að íslenska bankaleyndin sér sterkari en sú svissneska ... gott ef ekki er. UBS versus USAskattur er víst farin í 0:1 USA skatt í vil.    Hvernig færir ef USA skattur óskaði eftir upplýsingum frá nýju eða gömlu íslensku bönkunum ? 1:0 fyrir Íslandi ?

Ég bíð spenntur eftir að heyra, sjá eða lesa nýjustu gullkorn kjánanna okkar.